【明報專訊】民主黨家唔止關注人權，仲要關注埋貓權同狗權，事關唔少養寵物嘅主人都好關心動物嘅權益，所以早排都有好多聲音叫政府成立動物警察，防止虐畜。民主黨嚟緊星期日就同一啲動物權益組織合辦貓狗論壇。

個論壇叫「保障動物權益——由規管寵物店開始？」，地點係銅鑼灣教協，由立法會議員李華明主持，講者包括摺耳貓病友會幹事黃婉儀、貓朋狗友幹事陳慧敏、動物地球總幹事黃繼仁、香港寵物業商會會長張善浩、香港寵物繁殖協會主席韋綺珊，仲有漁農署兩個代表，包括劉炎東獸醫同Dr. Michael Hwang。各位愛動物嘅讀者有興趣都可以去聽吓。